REIKI NÁMSKEIÐ
REIKI heilun er japönsk heilunaraðferð og er heilun með léttri snertingu. Rei-ki er náttúrlækningakerfi sem hefur áhrif á lífsorkuna þína og allt sem henni viðkemur. Reiki heilun hjálpar til við slökun taugakerfis, minnkar stress og kvíða, eykur núvitund, eflir ónæmiskerfið, léttir á verkjum og spennu. Reiki er einnig talið hjálpa fólki við að bæta svefn, ná sér eftir aðgerð, auka vellíðan og innri ró. Reiki hjálpar þér að öðlast vellíðan, friðsæld, öryggi og slökun.
Af hverju ætti þig að langa að læra Reiki heilun?
Þegar ég byrjaði að læra heilun var það eingöngu til þess að hjálpa mér að líða betur. Já það var af algjörri sjálfselsku því mig langaði að líða betur í líkama og sál en þegar ég svo áttaði mig á því að með því að heila aðra var ég að halda áfram og komast lengra í sjálfsheiluninni minni var það engin spurning að gera það líka :D
En af hverju að læra heilun þegar maður hefur ekki áhuga á að heila aðra? það eru ótal ástæður þess:
- Til þess að öðlast betri núvitund, sjálfsheilun og sjálfsmildi.
- Til þess að líða betur andlega og ekki síður líkamlega.
- Til að auka innsæi þitt og tengingu við þig.
- Til þess að eiga í betri samskiptum við annað fólk.
- Til þess að opna orkustöðvar þínar og losa um neikvæða orku á áhrifaríkan hátt.
- Til þess að losa um eituefni í líkamanum og neikvæðum tilfinningum.
- Og auðvitað til þess að geta heilað þá sem þér þykir vænt um eða jafnvel fleiri.
Ef þig langar í meiri sjálfsvinnu, meiri sjálfseflingu, langar að bæta við þig þekkingu, ert að vinna með fólki líkamlega og/eða andlega þá er engin spurning að Reiki heilun mun hjálpa þér að aðstoða bæði þig og aðra í átt að vellíðan.
Það geta allir lært Reiki heilun og ef þú spyrð mig myndi ég vilja að hvert einasta mannsbarn hefði aðgang að þeirri orku bæði fyrir sig og aðra til að njóta ❤️
Nemendum mínum finnst það líka þegar ég spurði hvort Reiki ætti erindi til allra:
- Já allir ættu að læra Reiki, meiri vellíðan er betri fyrir bæði einstaklinga og samfélag
- Já, til að fá fallega tengingu við sig og sína
- Þessi snerting við okkar nánustu með heilun gerir aðeins samband okkar betra og dýpra svo ég held einmitt þess vegna að reiki heilun eigi erindi við alla sem eru opnir fyrir svoleiðis hlutum.
- Já, þó ekki nema bara fyrir að kunna sjálfsheilun. Að kunna tækni sem færir mann úr amstri daglegs lífs og inn í líkamann þar sem maður leyfir orkunni að færa sig inn á aðra tíðni þar sem heilun fær pláss og fá að upplifa þessa fallegu ró sem fylgir þessari orku
Fleiri ummæli neðar á síðunni :)
Ég verð með námskeið í Reiki heilun 1 & 2 - 14 klst námskeið á tveimur dögum
25. júní og 9. júlí (fullt)
1. og 22. júlí (fullt)
2. og 23. júlí (fullt)
12. og 19. ágúst (fullt)
13. og 20. ágúst (fullt)
30. sept og 14. okt (2 laus pláss)
1. og 15. okt (fullt)
13. jan og 3. feb (4 laus pláss)
14. jan og 4. feb (6 laus pláss)
2 x 7klst dagar, námsbók, cacao bolli og tónheilun innifalið.
Verð 50.000 kr
Til að staðfesta skráningu þarf að greiða 25.000 kr* inn á námskeiðið.
Þú færð tölvupóst um leið og þú hefur skráð þig hér neðar.
*staðfestingargjald er ekki endurgreitt, en ef viðkomandi kemst alls ekki vegna veikinda er hægt að semja um nýja dagsetningu.
Þú getur farið á biðlista þegar aðrar dagsetningar verða í boði, vinsamlegast taktu fram ef þú getur komið á virkum degi :)
Reiki meistaranámskeið verð 50.000 kr
12 klst. námskeið lau & sun, námsbók, cacao bolli og tónheilun innifalið.
ath. ef þú ert með Reiki 1&2 hjá öðrum reikimeistara og átt skírteinin ertu velkomin/nn í meistarann með mér.
7. og 8. október, frá kl. 10-16 (2 laus pláss)
18. og 19. nóvember, kl. 10-16 (2 laus pláss)
17. og 18. febrúar (6 laus pláss)
Reiki 1, 2 & meistaranámskeið greitt saman 90.000 kr
Skráðu þig á námskeið!
UMSAGNIR NEMENDA
"Ég held að allir hefðu gott og gaman af því að gefa því gaum að það að sinna öðrum er einnig mikilvæg sjálfshjálp. Reiki er að miklu leyti augljóslega spurning um nánd og athygli á líðan annars fólk sem skilar sér bæði í vellíðan þeirra sem reikið fá og þeirra sem gefa. Köllum það Reiki en fyrir mér er Reiki samkennd og hlýja. Heimurinn þarf meira af slíku. Kolbrún Ýr er góður kennari sem útskýrði námsefnið vel og vandlega. Kolbrún er þolinmóð, hlý og skemmtileg og gætir þess að sinna þörfum nemanda vel. Ég get hiklaust mælt með Reikinámskeiðum hennar." - Steinunn Ólína
"Vissi ekki hvað á átti von á þegar ég skráði mig á þetta námskeið en varð svo aldeilis hissa. Hafði oft farið í Reiki hjá öðrum en aldrei haldið að ég gæti lært líka en vá hvað það var geggjað að komast að því að ég get svo sannarlega heilað aðra og sjálfan mig. Hefði ekki viljað missa af þessu tækifæri. Takk fyrir mig ❤️" - Ólöf Sif Þráinsdóttir
"Þetta var mögnuð upplifun fyrir mig. Ég er þakklát sjálfri mér fyrir að hafa gefið mér þessa gjöf að fara á námskeiðin. Þetta er öflugt verkfæri að vinna með, bæði til að heila sig sjálfa sem og heila aðra sem þyggja það." - Tinna Björk
"Allir ættu að upplifa þessa ró á þessum tímum. Frábært og mikil upplifun og Kolbrún með sína ró í kringum sig gefur manni mikið. Fær öll mín meðmæli." - Anna Garðarsdóttir
"Mér finnst að það eigi að byrja að kenna Reiki í leikskóla. Börn eru mjög næm og eru fljót að læra. Þetta er mjög gott verkfæri til að læra inná á sjálfan sig sem og vinna með sjálfan sig í kröfuhörðu umhverfi. Þetta var mögnuð upplifun fyrir mig. Ég er þakklát sjálfri mér fyrir að hafa gefið mér þessa gjöf að fara á námskeiðin. Þetta er öflugt verkfæri að vinna með, bæði til að heila sig sjálfa sem og heila aðra sem þyggja það." - Tinna Björk
"Þetta er fullkomin slökunarmeðferð við öll tækifæri. Sem heilbriðgisstarfsmaður með mikil meðferðartengsl við skjólstæðinga legg ég vonir við að geta boðið upp á Reiki sem slökunaræfing eða / meðferð einkum fyrir þá sem þjást af kvíða og fá sjalfan að vera í snertingu við annað fólk."
"Kolbrún er alveg dásamlegur kennari og ég gæti ekki mælt meira með reiki heilunar námskeiði með henni. Fagleg og falleg nálgun á efnið og yndisleg orka. Mér finnst ég alltaf geta leitað til hennar með spurningar og vangaveltur og hún er alltaf til staðar. Umhverfið dásamlegt og ómetanlegt að fá að æfa sig í persónulegu og fallegu rými með góðum hóp samnemanda. Hóparnir eru ekki stórir og námskeiðið verður persónulegt og maður kemur út endurnærður. Ef ekki betri útgáfa af sjálfum sér." - Lúcía Sigrún Ólafsdóttir
"Að læra Reiki I og II hjá Kolbrúnu hefur gert líf mitt betra andlega og likamlega. Ég finn fyrir meiri ró og kærleika, hugrekki og styrk í öllu því sem ég tek mér fyrir hendur. - Daníel Þorsteinsson
"Mæli með þessu námskeiði fyrir alla sem vilja opna á heilunarorkuna. notaleg stemmning og nærvera Kollu hlýleg og yndisleg. námskeiðið í heild sinni nærandi og fræðandi. Takk ❤️" - Brynja Emilsdóttir
"Fór í Reiki kynningartíma án nokurra væntinga fyrir nokkrum mánuðum. Sá tími var svo öflugur og losandi að ég stökk til þegar ég heyrði af námskeiðinu. Það kemur mér svo á óvart hvað svona einföld tækni nær að kalla fram öflugri slökun og hvíld. Ég er smám saman að ná að slaka niður flesta á heimilinu." - Nikkó
"Ég er nýbúin að klára Reiki heilun hjá Kolbrúnu. Kolbrún er með yndislega nærveru, frábær leiðbeinandi og það mikill kærleikur og ljós í kringum hana. Hún kann að skapa fallegt og notarlegt rými sem manni líður vel í. Eftir námskeiðin þá fann ég fyrir öryggi til að byrja strax því við fórum svo vel í efnið með góðum útskýringum frá henni og þjálfun." - Lovísa Kristín Einarsdóttir
"Ég trúi því að allt hafi sinn tíma og leiðin að settu marki sé að einhverju leiti vörðuð þótt á stundum ég viti ekki endilega hvert ég stefni. Þegar ég ákvað að leita mér að Reiki námskeiði fór ég á netið og fékk upplýsingar um nokkur námskeið hjá nokkrum einstaklingum. Þar sem á ekki alltaf auðvelt með að velja ákvað ég að legga val mitt í hendur mér æðri máttar sem leiddi mig á námskeið hjá Kolbrúnu Ýr Gunnarsdóttur. Fyrir mig var þetta svolítið eins og að koma heim, ég fann mig strax bæði í návist hennar og umhverfisins sem hafði verið skapað utan um námskeiðin. Námskeiðin voru fámenn sem mér fannst gott því það gaf tækifæri til að halda betur utan um allt sem fram fer á slíku námskeiði. Mér fannst líka gott að Reiki I og Reiki II voru ekki tekin sömu helgi. Það gaf kost á að meðtaka betur hvað reiki er, hvernig það er notað og að læra að tileinka sér notkun þess." - Íris Björg Guðbjartsdóttir
"Að taka Reikimeistarann fannst mér nauðsynlegt eftir að vera búinn með Reiki I og II. Þetta var enn dýpra og gerði mjög mikið fyrir mig.
Þegar búið var að vígja mig inn þá fann ég fyrir breytingu inn í mér, allt i einu steig ég inn i eitthvað element og ég fann ekki lengur fyrir þessum ofsakvíða og hræðslu við að tala formlega fyrir framan annað fólk. Sem er búið að vera rosalegt vandamál alla mína lífstíð í allri minni skólagöngu og í fjölskylduboðum og litlum hópum. Ég veit að margir segja „já ég er lika rosa stressaður/stressuð að tala fyrir fram aðra“, en hjá mér var þetta á öðrum level, það var að líða yfir mig og þannig, þetta var orðið mjög djúpt og erfitt vandamál að glíma við. En nú er það bara farið. Sem er magnað. Eftir námskeiðið var ég svo eftir mig og viðkvæmur í nokkra daga, eins og líkaminn hafi verið að losa sig við eitthvað. En eftir það er ég endurnærður, sjálfstraustið er miklu meira. Þetta var mjög stórt stökk fyrir mig og mitt líf, stærra en mér nokkru sinni hefði getað dreymt um." - Daníel Þorsteinsson
"Reiki hefur verið mikil gjöf í mínu lífi og ég nota það daglega bæði á sjálfan mig, í hugleiðslu og á aðra. Að læra reikimeistaran hjúpaði þekkinguna sem ég hafði á reiki meiri dýpt, þakklæti og virðingu fyrir þessari mögnuðu heilunartækni sem reikið er og ég finn fyrir meiri ró og fókus. Ég get sko einlæglega mælt með reikimeistaranámskeiði hjá Kolbrúnu. Hún er einstaklega góður kennari og miðlar þekkingu sinni af mikilli næmni, hlýju og djúpum áhuga á efninu. Takk elsku besta Kolbrún fyrir þína töfra." - Þórunn Birna Þorvaldsdóttir