top of page
VAKIR%20-%20Thorunn%20Thorvalds%201_edited_edited.jpg

UM MIG

Kolbrún Ýr Gunnarsdóttir

Það er svo ótal margt sem hefur komið mér á þann stað sem ég er nú, andlega vinnan er eilífðarvinna, hún er æfing sem verður okkur alltaf tamari eftir því sem við höldum áfram að vinna með okkur, losa okkur við það sem við þurfum ekki og finna okkur sjálf bak við varnarmúrinn sem við höfum byggt. Ég ákvað þegar ég var nýbúin að gifta mig og missa pabba minn árið 2008 að mig langaði að lifa lífinu lifandi. Ég steig varlegum skefum inn í sjálfsvinnuna og las allar sjálfshjálparbækur sem ég komst í, ég fór að hlusta betur á mig og vera í meiri meðvitund. Ég fór svo árið 2018 í Andlega Einkaþjálfun hjá Hrafnhildi Moestrup eftir að ég fann að heimurinn minn í kringum starfið mitt sem ég hafði skapað til 13 ára var að hrynja og virðið mitt með því. Eftir á að hyggja veit ég nákvæmlega af hverju það gerðist, til þess að ég gæti komið mér á þennan stað, þar sem ég finn og veit að ég á heima. Ég náði að heila mig betur og náði að taka sjálfsvinnuna fastari tökum, skilja sjálfa mig betur og vita betur hver ég er og hvað ég vil í lífinu. Í framhaldi hóf ég svo nám mitt í Jákvæðri Sálfræði og er með dipl. master í því, sem hefur bætt enn betur í mína verkfærakistu. Sama ár ákvað ég líka að fara í kennaranám hjá Hrafnhildi og er útskrifaður Andlegur Einkaþjálfari frá hennar skóla ásamt því að kenna nýjum Andlegum einkaþjálfurum fyrsta árið eftir að ég útskrifaðist. Ég hef alltaf haft áhuga á orkulækningum og hvernig við getum lagað orkuna okkar til vellíðunar og fór á námskeið í Energy Medicine, Access Bars orkumeðferðarnálgun og Reikimeistara námskeið. Ég hef einnig lært Curandero Hjartaheilun og er Kundalini Reikimeistari. Með heiluninni fann ég köllun mína enn skírar og Reiki orkuna nota ég í allri heilun og er einnig með réttindi til að kenna reiki. Ég ætlaði að verða dansari þegar ég var yngri og verð hreinlega að hreyfa mig til að halda andlegri og líkamlegri heilsu, ég hef stundað jóga allt frá því ég var og unglingur og lét langþráðan draum verða að veruleika þegar ég öðlaðist réttindi sem Hatha jógakennari, í þeirri tegund af jóga er m.a. lögð áhersla á öndunaræfingar og hugleiðslu. Ég er einnig með Yin og Nidra réttindi, ásamt áfalla og streitu jógakennararéttindum. Ég er þar að auki núvitundar- og hugleiðslukennari frá School of Positive Transformation og "Breathwork Instructor" frá YogaLap. Því til viðbótar er ég með kennararéttindi sem ég öðlaðist fyrir tveimur áratugum og er einnig með hönnunarnám frá IED Barcelona í mínu farteski en stór hluti af mér er mjög skapandi og ég þarf ávallt að vera að sinna þeirri hlið af mér líka og er ennþá að skapa skartgripi, pendúla og auðvitað alls konar námskeið og heilun af ýmsum toga fyrir bæði Kolbrun, Vakir og Lifðu betur með þér. 

Ég hlakka mjög mikið til þess að kynnast þér og það er mín einlæga von að ég geti aðstoðað þig við að tengjast þér, upplifa sjálfsmildi og vellíðan sem við öll erum með innra með okkur. Eina sem þú þarft að hafa með þér er löngunin til þess að breyta, við erum okkar eigin kennarar og lærum best af okkar eigin líðan og upplifunum og mögulega er ég einn lítill partur af þinni vegferð

bottom of page