Langar þig að vita aðeins um orkustöðvarnar eða Chakras sem á sanskrít þýðir „hjól“ og vísar til orkupunkta í líkamanum. Talið er að þær séu orkuskífur sem snúast og ættu að vera opnar og í takt, þær eru taldar vinna með taugakerfinu okkar og helstu líffærum og hafa þar af leiðandi áhrif á tilfinningalega og líkamlega vellíðan okkar. Orkustöðvarnar flytja ferska orku inn í líkamann og flytja staðnaða orku út úr líkamanum. Þær þjóna líffærum, vöðvum, liðböndum, bláæðum og öðrum líkamshlutum sem sitja á sviði þeirra. Auk þess að flytja orku eru orkustöðvarnar einnig orkuvinnslustöðvar. Þær skrá, flokka og geyma orku sem inniheldur upplýsingar um líkama þinn, tilfinningar þínar og lífsferil þinn. Hver orkustöð gegnir ákveðnu hlutverki við að styðja og stjórna starfsemi líkama þíns og líffæra hans. Hver orkustöð hjálpar einnig að hafa áhrif á mismunandi hormón. Að hreinsa og koma jafnvægi á orku orkustöðvanna hjálpar til við að stjórna efnafræði líkamans, bætir andlega skerpu og styrkir heilsu þína.

Sumir segja að það séu 114 mismunandi orkustöðvar, en við ætlum að fara yfir þær sjö helstu orkustöðvar í líkama þínum sem liggja meðfram hryggnum þínum frá rófubeini upp að hvirfli. Það er þær orkustöðvar sem flestir vísa til þegar talað er um þær.

Allar sjö aðal orkustöðvarnar hafa sitt eigið nafn, lit og ákveðið svæði á hryggnum frá spjaldbeini (neðst á hrygg) að hvirfli, eða efsta part höfuðsins og sinn fókus á líkamlega heilsu.

❤️ Rótarstöðin ( Root Chakra ) – Rauður litur

🔶 Magastöðin ( Sacral Chakra ) – Appelsínugulur litur

💛 Sólarplexus ( Solar Plexus ) – Gulur litur

💚 Hjartastöðin (Heart Chakra ) – Grænn litur

🔵 Hálsstöðin ( Throat Chakra ) – Blár litur

💜 Þriðja augað (Third Eye Chakra ) – Fjólublár litur (violet/purple)

⚪️ Hvirfill ( Crown Chakra ) – Fjólublár eða hvítur litur

 

Af hverju er gott að þekkja orkustöðvarnar?

Minni er vissulega geymt í taugafrumum þínum, en það er líka geymt í orkustöðvunum þínum! Orkustöðvarnar eru taldar geyma minningar og því hafa þær áhrif á sjálfsmynd þína og viðbrögð þín við núverandi reynslu og upplifunum. Orkustöðvar eru eins og skjalaskápar fyrir reynslu þína. Öflug áletrun af hverjum tilfinningalega eða líkamlega mikilvægum atburði sem þú hefur upplifað er skráð á orkustöðvarnar þínar. Hver orkustöðvarkóði er brot af persónulegu sögunni þinni og hefur sérstakt þema.

Orka orkustöðvanna gegnir mikilvægu líkamlegu, sálrænu og andlegu hlutverki í heilsu þinni og lífsorku. Ómelt reynsla (þar á meðal tilfinningaleg viðbrögð) getur fest sig í sérstökum orkustöðvum og hindrað heilbrigt flæði og frekari vöxt.